Складаназлучаныя сказы

 СКЛАДАНАЗЛУЧАНЫЯ СКАЗЫ

Варыянт 1

1. Адзначце складаназлучаныя сказы, паміж часткамі якіх трэба паставіць коску:

1) Над сажалкай сіняй начаваў месяц і свяцілі зоркі ярка.

2) Рамонкаў сярод палявых кветак было няшмат затое менавіта яны, падобныя да сонейка, змянілі мой мінорны настрой.

3) Зірну на апошні бярозавы лісток і сэрца ціха зашчыміць.

4) У Еўропу бульба трапіла ў шаснаццатым стагоддзі і доўгі час яна была проста дэкаратыўнай раслінай.

5) Хутка скончыцца зіма але па-сапраўднаму цёплых дзянькоў яшчэ давядзецца пачакаць.

2. Адзначце складаназлучаныя сказы, паміж часткамі якіх не трэба ставіць знак прыпынку:

1) У небе месяц гожы збірае зоркі ў дзіўны карагод а ўнізе ззяюць, як брыльянты, бліскучы снег  і лёд.

2) Спякотна і ціха.

3) Сёння возера прыгожа зіхаціць і лілеі гараць на вадзе, нібы свечкі.

4) Празвінеў апошні званок і каляровыя шары, як птахі, пралятаюць угары.

5) Бярозы шчыльна пасталі каля жыта і над імі кожную раніцу расплятае косы сонейка.

3. Адзначце складаназлучаныя сказы, паміж часткамі якіх трэба паставіць коску:

1) Дождж і каляровая вясёлка.

2) Ужо рэшткі мёду ў кветках падбірае пчолак рой і час жніва не за гарой.

3) Зямля ўсю ноч глыбока спала ў цемрадзі і ў туманах а сонца раніцай устала і свет змяніла на вачах.

4) Прадметы, знойдзеныя ў час раскопак у Брэсце, выстаўлены ў археалагічным музеі «Бярэсце» і кожны з іх па-свойму цікава расказвае пра побыт старажытнага горада.

5) Імгненне і атакуюць чмялі чырвоную канюшыну.

4. Адзначце сказы, у якіх на месцы пропуску трэба паставіць коску:

 1) Кружыцца ў парку першае лісце кляновае _ і ў кожным куточку, лясным, лугавым, палявым, стаіць незвычайная, дзіўная ціш вераснёвая.

2) Святло маланкі _ і грому грукат.

3) Дзьмухнуў вецер _ і з бярозкі ліст упаў апошні.

4) Яшчэ ледзяшы звісаюць са стрэх _ а ўжо пралескі з сінімі вачамі імкнуць да сонца цераз снег.

5) Няхай неба над намі будзе светлым, чыстым _ і па ім плывуць павольна, нібы гусі-лебедзі, белыя аблокі.

5. Адзначце складаназлучаныя сказы, у якіх на месцы пропуску не трэба ставіць знак прыпынку:

1)Зіма была на зыходзе _ а снег ішоў ледзь не кожны дзень.

2)Найбуйнейшы ў свеце компас мае дыяметр 50 метраў _ і знаходзіцца ён у Партугаліі.

3)На галінках клёна трымціць павуціна _ і дагарае барвовае лісце.

4)Уверх падняўся туман _ і заблішчала таямнічае возера Свіцязь.

5)Колькі стройнасці ў нашых соснах _ і колькі сілы ў нашых дубах!

СКЛАДАНАЗЛУЧАНЫЯ СКАЗЫ

Варыянт 2

1. Адзначце складаназлучаныя сказы, паміж часткамі якіх трэба паставіць коску:

1) Кавальскія вырабы з першага погляду могуць і не ўразіць затое ўважлівага чалавека ніколі не пакінуць абыякавым іх далікатныя ўзоры.

2) Адарвецца кветка ад карэння і не чакай ні плода, ні насення.

3) У майскім садзе яблыні так смачна пахнуць і працавіты рой гудзе пчаліны.

4) Людзей смяшы а сам з людзей не смейся.

5) Даўжэй за чалавека жывуць яго справы і сказаныя ім словы бясследна не знікаюць.

2. Адзначце складаназлучаныя сказы, паміж часткамі якіх не трэба ставіць знак прыпынку:

1) Перад навальніцай лісце паўднёвай акацыі нікне і яе ружовыя кветкі згортваюцца.

2) У небе сінім жаўрук звінеў натхнёна а па лазе і па ліпах песні-пацеркі салавей рассыпаў.

3) Бабіна лета прала серабрыстае павуцінне і было гэтага павуціння занадта ж многа.

4) Нырнула сонейка ў цёмную хмару і ўсё застыла ў чаканні дажджу.

5) Марозна і зорна.

3. Адзначце складаназлучаныя сказы, паміж часткамі якіх трэба паставіць коску:

1) Ад шчырага слова прыбываюць сілы і прасвятляецца душа.

2) Бэз і бялюткая чаромха.

3) Дружнымі сямейкамі селяцца на пнях апенькі а пад асінамі хаваюцца падасінавікі.

4) Крыкнеш і рэха лясное адкажа дзясяткамі галасоў.

5) Бяжыць, віецца чароўная сцяжынка ў зялёным лянку і звонка, радасна ў пышным альховым вянку спявае рачулка.

4. Адзначце сказы, у якіх на месцы пропуску трэба паставіць коску:

 1) Ужо зацвілі маладыя сады _ і між кустоў сабе гняздзечка звілі дразды.

2) На страсе бабулінай хаты свае паласатыя бакі ўграваюць гарбузы _ а на падаконніках набіраюцца чырвані памідоры.

3) Майскі ветрык вішні калыхнуў _ і пасыпаліся кволыя пялёсткі.

4) Лексічны склад “Слова пра паход Ігаравы” налічвае каля 2800 адзінак_ і некаторыя з іх па сваім фанетыка-марфалагічным абліччы блізкія да лексікі беларускай мовы.

5) Загадкавасць ночы_ і хараство світання.

5. Адзначце складаназлучаныя сказы, у якіх на месцы пропуску не трэба ставіць знак прыпынку:

1)Для нас цвітуць сады і агароды _ і жытнія звісаюць каласы.

2)Які цудоўны дзень вясновы _ і як спявае хор птушыны!

3)Не мяцеліца галосіць у дрымотным полі _ а ў імгле зблудзілі, пэўна, кулікі.

4)Зірнула сонейка з-за небакраю _ і ўсё наваколле зайграла новымі фарбамі і адценнямі.

5)Альяс з’яўляецца лекавай раслінай _ і людзі яшчэ са старажытных часоў добра пра гэта ведаюць.

СКЛАДАНАЗЛУЧАНЫЯ СКАЗЫ

Варыянт 3

1. Адзначце складаназлучаныя сказы, паміж часткамі якіх трэба паставіць коску:

1) Няма болей ні асенніх, ні зімовых вячорак затое гучыць пра іх і сёння цікавы аповед.

2) Па-святочнаму ўбраны ў белае, стаіць застылы ў нерухомасці лес і на кожным дрэве, на кожнай галінцы пераліваецца асветлены сонцам сняжок.

3) Каля ліп звонка цвыркаюць конікі і спяваюць птушкі.

4) Падзьме ветрык і ад жыта плыве хлебны пах.

5) Красуе сонца залатое, пераліваецца ў зару а я ў рукі слуцкі пояс, як сонца, залаты бяру.

2. Адзначце складаназлучаныя сказы, паміж часткамі якіх не трэба ставіць знак прыпынку:

1) Хмурна і маўкліва.

2) Прыйшла зіма і ночы ўжо паўзуць, а не крочаць.

3) У зялёным бары чуваць сосен гоман а над грэчкаю белай пчолы сабралі свой форум.

4) Пасля напружанага дня на луг прыйшоў спакой і ў поле завітала цішыня.

5) Зрывае восень з дрэў лісты і сцеле, сцеле іх няспешна і вось ужо дыван шапоча пад нагамі залаты.

3. Адзначце складаназлучаныя сказы, паміж часткамі якіх трэба паставіць коску:

1) Прырэчныя альховыя кусты ўжо добра зелянелі а дзікія яблынькі ўсё не адважваліся расшчапіць кулачкі пупышак.

2) Звісалі пад сваім цяжарам спелыя гронкі рабін і з рубінавых чапцоў каліны, здавалася, вось-вось пырсне церпкі сок.

3) Высока ў небе зіхацелі залатыя зоркі і срэбнаю ракой цёк Млечны Шлях.

4) Палянка і духмяныя суніцы.

5) Імгненне і ажывае сонны бераг.

4. Адзначце сказы, у якіх на месцы пропуску трэба паставіць коску:

 1) Пах чабору _ і водар суніц.

2) Набягае вятрыска _ і хвалюецца, як мора, спелая пшаніца.

3) Мяла лісты пад вечар восень _ а ноччу грукнула зіма.

4) Ужо рамонкі адцвілі _ і матылькі пакінулі палеткі.

5) Нашы пералётныя птушкі на поўдні гнёздаў не ўюць _ і птушанят на поўдні нашы птушкі не выводзяць.

5. Адзначце складаназлучаныя сказы, у якіх на месцы пропуску не трэба ставіць знак прыпынку:

1)Толькі пад самы Новы год маразы скавалі зямлю як след _ і закружылі белыя мяцеліцы.

2)Расце мята ў агародзе _ а ў садзе цвіце бэз.

3)Я па літарах родных вучыўся чытаць _ і буквар для мяне быў жыцця палавінай.

4)Полаг ночы апусціўся сіні _ і мільёны зорак замігцелі ў вышыні.

5)Колькі важнасці ў хадзе бусла _ і колькі чыннасці ў яго паставе!

СКЛАДАНАЗЛУЧАНЫЯ СКАЗЫ

Варыянт 4

1. Адзначце складаназлучаныя сказы, паміж часткамі якіх трэба паставіць коску:

1) Услухаешся ў ціхія расказы нашых замкаў і ажыве гісторыя.

2) Пад самы вечар вецер сціх затое пачаў накрапваць дождж.

3) Каля хаты гармонік іграе а ў садочку салоўка спявае.

4) Плешчуць побач азёрныя хвалі і месяца човен у небе плыве.

5) Зноў дажджлівая восень размыла дарогі і лістоту зялёную яна змыла з кустоў.

2. Адзначце складаназлучаныя сказы, паміж часткамі якіх не трэба ставіць знак прыпынку:

1) Надыходзіў вечар і пераставала штарміць мора.

2) Абступілі бераг росны клёны, ясені, сосны і дубы ў цяпле вады абмываюць жалуды.

3) Вые ноч а вецер белагрывы б’ецца ў шыбы лапай снегавой.

4) Асеннімі днямі чырванее рабіна і просяцца з купіны ў вярэньку журавіны.

5) Ясна і цёпла.

3. Адзначце складаназлучаныя сказы, паміж часткамі якіх трэба паставіць коску:

1) Зноў запальваюцца свечкі на каштанах і чаромха свой губляе цвет.

2) Глыток сцюдзёнай крынічнай вады і смагі як не было.

3) Гром і зыркая маланка.

4) Ад моцнай спёкі выгарала трава а на дрэвах без пары пажоўклі лісты.

5) Кружыцца ў вальсе першае лісце кляновае і ў кожным куточку, лясным, лугавым, палявым, стаіць незвычайная, дзіўная ціш вераснёвая.

4. Адзначце сказы, у якіх на месцы пропуску трэба паставіць коску:

 1) Не чуваць птушыных песень у асеннім полі _ і прыціхлі, задумаўшыся аб нечым сваім, залатаверхія бары.

2) Град сыпаў дробнай соллю _ а гром сварыўся, пагражаў.

3) Зноў сэрца лагодзіць зіхатлівае сонейка _ і гучныя капяжы абуджаюць зямлю.

4) Махнулі касцы косамі _ і зазвінеў луг.

5) Шум сосен _ і бярозак шэпт.

5. Адзначце складаназлучаныя сказы, у якіх на месцы пропуску не трэба ставіць знак прыпынку:

1)Якое сёлета шчодрае лета _ і колькі ў лесе розных дароў!

2)Сонца зайшло _ але на макаўках дрэў яшчэ не патухлі яго апошнія водбліскі.

3)Доўга чакаюць сваёй чаргі зялёнкі _ і толькі ў кастрычніку паказваюцца з-пад моху іх прыгожыя шапачкі.

4)На фоне бялюткіх рамонкаў ярчэй палаюць смолкі _ і ружавейшымі здаюцца кветкі канюшыны.

5)Зайграла музыка _ і ў лявонісе імклівай пары стройныя імчацца.

СКЛАДАНАЗЛУЧАНЫЯ СКАЗЫ

Варыянт 5

1. Адзначце складаназлучаныя сказы, паміж часткамі якіх трэба паставіць коску:

1) Яшчэ пройдзе тыдзень-другі і пасыплецца снег, ляжа на зямлю мяккім пухам.

2) Белыя суквецці каштанаў адгарэлі ў маі затое зараз пад зялёным лісцем хаваюцца маленькія арэшкі.

3) У часы Скарыны беларуская мова перажывае стадыю свайго станаўлення і ў ёй усё больш паяўляецца прыкмет народнай гутарковай мовы.

4) Шукаем сцежак невядомых а шчасце нас чакае дома.

5) Мы любім хлеб не за яго загар румяны і хлебароба мы прыкмячаем не за яго смуглы твар.

2. Адзначце складаназлучаныя сказы, паміж часткамі якіх не трэба ставіць знак прыпынку:

1) Вясна пачала пераможны паход і толькі ля плота ў садзе вялізны сумёт прытаіўся ў засадзе.

2) Зранку ў гародчыку мітусіліся матылькі і бомкалі яшчэ сонныя чмялі.

3) Пройдзе хвілін колькі і ўсё патоне ў вячэрнім змроку.

4) Гарэзна пляскаючы ў ладкі, дзяўчына лёгка стан нясе а хлопец, скачучы ўпрысядкі, ваўчком крутнуўся на назе.

5) Холадна і росна.

3. Адзначце складаназлучаныя сказы, паміж часткамі якіх трэба паставіць коску:

1) Нагінаюць ніц галовы ў росах чыстых васількі і, здаецца, шэпчуць штосьці лозы ціха ля ракі.

2) У пачатку красавіка прылятае да нас з цёплых краёў берасцянка і вяртаецца з выраю кнігаўка.

3) На галінках дрэў блішчаць іскрыстыя расінкі а ў паветры плывуць і плывуць тоненькія павуцінкі.

4) Чарэшня і спрытныя шпакі.

5) Выгляне сонейка і цяплее на душы.

4. Адзначце сказы, у якіх на месцы пропуску трэба паставіць коску:

 1) Шчырасць сэрца _ і душы цеплыня.

2) Вясна-красуня ў бубен ударыць _ і заспявае светлы гай.

3) Ранішні дым жвавы, лёгкі _ а паўдзённы дым павольны, менш рухавы.

4) Весела, як дзеці, гуляюць з намі дэльфіны _ і над вадой, як птушкі, высока ўзлятаюць яны.

5) Зноў маразы скавалі зямлю _ і снежныя завірухі заслалі абшары выбеленымі палотнамі.

5. Адзначце складаназлучаныя сказы, у якіх на месцы пропуску не трэба ставіць знак прыпынку:

1)Зноў ападае залатая лістота _ і збіраюцца гусі на сейм перад дальняй дарогай.

2)Кружыцца ў вальсе лісце кляновае _ і ў кожным куточку, лясным, лугавым, стаіць цішыня вераснёвая.

3)Колькі музыкі жаўруковай у роднай мове _ і колькі ў ёй душэўнай цеплыні!

4)Зацвіце лотаць _ і поплаў на які тыдзень зробіцца жоўтым.

5)Раней калейдаскоп быў проста цацкай а зараз гэты прыбор часта прымяняецца