Складаныя сказы з рознымі відамі сувязі частак

 СКЛАДАНЫЯ СКАЗЫ З РОЗНЫМІ ВІДАМІ СУВЯЗІ ЧАСТАК

Варыянт 1

1. Адзначце сцверджанні, якія адпавядаюць складанаму сказу з рознымі відамі сувязі частак:

Заўзятыя вятры затанцавалі і калі неба завалаклося цёмнымі хмарамі, басісты гром гулка, раскаціста апавясціў усё наваколле спяшаецца разгневаная навальніца.

1) Паміж часткамі сказа прапушчаны тры коскі;

2) паміж часткамі сказа прапушчана двукроп’е;

3) паміж часткамі сказа прапушчаны дзве коскі;

4) паміж часткамі сказа прапушчаны працяжнік;

5) паміж часткамі сказа прапушчана толькі адна коска.

2. Адзначце схему, якая адпавядае прыведзенаму сказу (улічыце, што знакі прыпынку паміж часткамі сказа не пастаўлены):

Зараз саламяную фігурку, драўляную цацку рэдка знойдзеш у вясковай хаце і функцыі ў іх не такія шырокія гэтыя дзіўныя рэчы нам сёння проста дораць прыгажосць, пераконваючы ў самабытнасці беларускага народа.

 1)[ ], і  [ ] : [ ].           

2) [ ] і [ ] : [ ].

3) [ ] , і [ ] , [ ].

4) [ ] — і [ ] : [ ].

5) [ ] , і [ ] — [ ].

3. Адзначце сцверджанні, якія адпавядаюць наступнаму сказу:

З Полацкам, які з беларускіх гарадоў быў заснаваны першым звязваюць узнікненне на тэрыторыі нашай краіны манументальнай архітэктуры і гэта зразумела: менавіта ў Полацку ў сярэдзіне адзінаццатага стагоддзя пабудавалі першы мураваны храм, назва якога — Сафійскі сабор.

 1) У сказе пастаўлены ўсе неабходныя знакі прыпынку;

2) у сказе няправільна пастаўлена двукроп’е;

3) у сказе не хапае толькі адной коскі;

4) у сказе не хапае дзвюх косак;

5) сказ з’яўляецца складаным з рознымі відамі сувязі частак.

4. Адзначце варыянт адказу, дзе правільна ўказаны ўсе лічбы, на месцы якіх у сказе трэба паставіць коску.

Жураўліны клін 1 які кіруецца на поўдзень 2 і ў галаве якога ляціць важак ды вопытныя птахі 3 што за крыламі маюць не адзін год далёкіх дарог, рухаецца роўна, упэўнена 4 аднак у канцы жураўліны ланцужок то разыходзіцца, то сыходзіцца, то ўзнімаецца ўверх, то падае ўніз 5 не прывыклі яшчэ маладыя птушачкі да строгага лету.

1) 2, 3,4, 5;

2) 2, 3,4;

3) 1,3,4;

4) 1,2, 3,4;

5) 1,2, 5.

5. Адзначце нумар пропуску, на месцы якога трэба паставіць двукроп’е:

Заўжды на памяць прыходзіць нешта важнае 1 калі назіраю такую карціну 2 неасцярожная зорачка зрываецца з недасяжнай начной вышыні і, пакідаючы за сабой жоўценькую нітачку, імчыцца ў невядомасць 3 а зорная радня на тую 4 што завецца знічкай 5 з нябеснага бяздоння дзівіцца-пазірае.

СКЛАДАНЫЯ СКАЗЫ З РОЗНЫМІ ВІДАМІ СУВЯЗІ ЧАСТАК

Варыянт 2

1. Адзначце сцверджанні, якія адпавядаюць складанаму сказу з рознымі відамі сувязі частак:

У вясельным караваі абавязкова запякалі боб і калі ён трапляўся дзяўчыне ў дадзеным ёй кавалачку, людзі казалі ў хуткім часе быць ёй нявестай.

 1) Паміж часткамі сказа прапушчана двукроп’е;

2) паміж часткамі сказа прапушчаны дзве коскі;

3) паміж часткамі сказа прапушчаны тры коскі;

4) паміж часткамі сказа прапушчаны працяжнік;

5) паміж часткамі сказа прапушчана толькі адна коска.

2. Адзначце схему, якая адпавядае прыведзенаму сказу (улічыце, што знакі прыпынку паміж часткамі сказа не пастаўлены):

У ранішнім лесе не дзеля забавы з бярозкі на бярозку куляй перашмыгвалі чорныя, быццам у сажы, шпакі і заўзята барабанілі па дрэвах сваімі вострымі дзюбамі даўгахвостыя дзятлы павінны птушкі клапаціцца пра сняданак для сябе і для сваіх птушанят.

 1) [ ] і [ ] : [ ].

2) [ ] , і [ ] : [].

3) [ ], і [ ] — [ ].

4) [ ] — і [ ] : [ ].

5) [ ], і [ ], [ ].

3. Адзначце сцверджанні, якія адпавядаюць наступнаму сказу:

Бярозу, якая кожнага з нас чаруе сваёй прыгажосцю называюць яшчэ дрэвам жыцця і гэта зразумела — яна дзеліцца з чалавекам сваім жывільным сокам, што ўмацоўвае імунную сістэму.

 1) У сказе не хапае дзвюх косак;

2) у сказе замест працяжніка трэба паставіць двукроп’е;

3) у сказе пастаўлены ўсе неабходныя знакі прыпынку;

4) у сказе не хапае толькі адной коскі;

5) сказ з’яўляецца складаназалежным з некалькімі даданымі часткамі.

4. Адзначце варыянт адказу, дзе правільна ўказаны ўсе лічбы, на месцы якіх у сказе трэба паставіць коску.

Яшчэ сонейка не прагрэла як след веснавой зямлі 1 аднак ужо насустрач яму выцягнула сваю зялёную сцяблінку невялікая кветачка 2 якую мы называем ‘маці-і-мачыха’ 3 і якая атрымала гэту назву за своеасаблівае лісце 4 з ніжняга боку лісцікі нагадваюць ласкавыя матчыны рукі 5 бо яны пяшчотныя, цёплыя, а з верхняга боку лісцікі халодныя, бы злая мачыха.

 1) 3,4,5;

2) 1,2,5;

3) 1,2,3,4;

4) 1,2,3,5;

5) 2,3,5.

5. Адзначце нумар пропуску, на месцы якога трэба паставіць двукроп’е:

Яшчэ далекавата тыя дні, калі пачне сеяцца дробны дождж 1і яшчэ добра прыгравае сонца 2 але ўжо ў лесе адчуваюцца змены 3 ў бярозы ўпляліся жоўтыя каснікі 4 час ад часу зрываюцца ды з ціхім шоргатам ападаюць лісты з каржакаватых дубоў 5 і цэлы дзень носяцца па дрэвах сойкі, запасаючыся на зіму жалудамі.

СКЛАДАНЫЯ СКАЗЫ З РОЗНЫМІ ВІДАМІ СУВЯЗІ ЧАСТАК

Варыянт 3

1. Адзначце сцверджанні, якія адпавядаюць складанаму сказу з рознымі відамі сувязі частак:

Ранак быў сонечны, цёплы і калі за акном пачулася вясёлае шчабятанне, мы з сястрой адразу зразумелі прыляцелі жаданыя госці — шпакі.

 1) Паміж часткамі сказа прапушчаны тры коскі;

2) паміж часткамі сказа прапушчаны працяжнік;

3) паміж часткамі сказа прапушчаны дзве коскі;

4) паміж часткамі сказа прапушчана двукроп’е;

5) паміж часткамі сказа прапушчана толькі адна коска.

2. Адзначце схему, якая адпавядае прыведзенаму сказу (улічыце, што знакі прыпынку паміж часткамі сказа не пастаўлены):

Сёння я не звяртаю ўвагі ні на стомленасць, ні на дзённую спёку і маю душу перапаўняюць радасныя пачуцці былыя аднапалчане прыедуць вечарам да мяне ў госці.

 1) [ ] , і [ ] — [ ].

2) [ ] і [ ] : [ ]. 

3) [ ] , і [ ]:[ ].

4) [ ], і [ ] , [ ].

5) [ ] — і [ ] : [ ].

3. Адзначце сцверджанні, якія адпавядаюць наступнаму сказу:

Кажаны, якія вядуць начны лад жыцця лічацца надзвычай карыснымі жывёламі і гэта зразумела — прагаладаўшыся за дзень, ноччу яны паядаюць шмат насякомых, што прыносяць шкоду раслінам.

 1) У сказе пастаўлены ўсе неабходныя знакі прыпынку;

2) у сказе не хапае толькі адной коскі;

3) у сказе замест працяжніка трэба паставіць двукроп’е;

4) у сказе не хапае дзвюх косак;

5) сказ з’яўляецца складаназалежным з некалькімі даданымі часткамі.

4. Адзначце варыянт адказу, дзе правільна ўказаны ўсе лічбы, на месцы якіх у сказе трэба паставіць коску.

Неба, як і сам дзень, было шэрае 1 аднак лясны дол іскрыўся разнастайнымі фарбамі 2 снежна бялеў пасярод малінавых ды ажынавых зараснікаў пух дзікага спірэю, сабраныя купкай званочкі 3 што мелі цёмна-сіні колер, узносіліся над густым дываном фіялетавых брунэлек 4 побач з якімі свяцілася блакітная веранічка 5 і слалася, абвіваючы драбнюткімі зорачкамі пні, дзярозка.

 1) 2, 4, 5;

2) 2, 3,4, 5;

3) 1,2,4, 5;

4) 1,3,4;

5) 2,3, 5.

5. Адзначце нумар пропуску, на месцы якога трэба паставіць двукроп’е:

Усё ў прыродзе мае свой час 1 і ўсё мае сваё прызначэнне 2 лістам трэба восенню адрывацца ад галін 3 каб пасля зімы дрэвы зноў закрасавалі 4 птушкі адлятаюць у вырай, відаць, для таго 5 каб мы іх прыгажосць яшчэ больш прызнавалі.

СКЛАДАНЫЯ СКАЗЫ З РОЗНЫМІ ВІДАМІ СУВЯЗІ ЧАСТАК

Варыянт 4

1. Адзначце сцверджанні, якія адпавядаюць складанаму сказу з рознымі відамі сувязі частак:

Мора было грознае, неспакойнае і калі высокія хвалі імкліва каціліся да берага, мы кожны раз баяліся яны вось-вось паглынуць усё навокал.

 1) Паміж часткамі сказа прапушчаны тры коскі;

2) паміж часткамі сказа прапушчаны працяжнік;

3) паміж часткамі сказа прапушчана толькі адна коска;

4) паміж часткамі сказа прапушчана двукроп’е;

5) паміж часткамі сказа прапушчаны дзве коскі.

2. Адзначце схему, якая адпавядае прыведзенаму сказу (улічыце, што знакі прыпынку паміж часткамі сказа не пастаўлены):

На Купалле некалі ля ракі ці возера наладжвалася вогнішча і моладзь абавязкова спраўляла рытуальнае купанне вада ў гэтую ноч, лічылася, валодае магутнай жыццёвай сілай, робіць людзей прыгожымі.

 1) [ ] , і [ ] — [ ].       

2) [ ] — і [ ] : [ ].

3) [ ] і [ ] : [ ].

4) [ ] , і [ ] : [ ].

5) [ ] , і [ ] , [ ].

3. Адзначце сцверджанні, якія адпавядаюць наступнаму сказу:

Заходняя Дзвіна, чыю неўгамонную сілу поўняць імклівыя рэкі, ручаі і крыштальныя крыніцы мне асабліва дарагая і гэта зразумела: яна невычэрпная радасць маіх дзіцячых і юнацкіх гадоў, якія не паўторацца, але і не забудуцца ніколі.

 1) У сказе не хапае дзвюх косак;

2) у сказе няправільна пастаўлена двукроп’е;

3) у сказе пастаўлены ўсе неабходныя знакі прыпынку;

4) сказ з’яўляецца складаным з рознымі відамі сувязі частак;

5) у сказе не хапае толькі адной коскі.

4. Адзначце варыянт адказу, дзе правільна ўказаны ўсе лічбы, на месцы якіх у сказе трэба паставіць коску.

Хутар 1 куды мы дабраліся толькі пад вечар 2 і дзе нас ужо чакала здымачная група, хоць і быў адным з тых нямногіх хутароў 3 што дажываюць свой век далекавата ад бойкіх дарог 4 аднак выглядаў вельмі прыгожа 5 пасярэдзіне яго стаялі тры будынкі, пафарбаваныя гаспадаром у розны колер, а над кожным з іх віднелася зялёнае воблака таполі.

 1) 1, 2, 3,5;

2) 1,2, 3,4;

3) 2, 3,4, 5;

4) 2, 3, 4;

5) 1,3,4.

5. Адзначце нумар пропуску, на месцы якога трэба паставіць двукроп’е:

У першую студзеньскую ноч густая мяцеліца беласнежным пакрывалам заслала двары, сады, вуліцы 1 і нізкае неба пуховай коўдрай павісла над зямлёй 2 а таму, калі зранку людзі павыходзілі з хат 3 многім здалося адно і тое ж 4 яны трапілі на іншую планету 5 назва якой, відавочна, Чараўніца.

СКЛАДАНЫЯ СКАЗЫ З РОЗНЫМІ ВІДАМІ СУВЯЗІ ЧАСТАК

Варыянт 5

1. Адзначце сцверджанні, якія адпавядаюць складанаму сказу з рознымі відамі сувязі частак:

Андрэй Паўлавіч сядзеў у купэ каля акна і калі з поля зроку зніклі апошнія будынкі горада, ён адчуў моцна зашчымела сэрца ад невядомага яму раней смутку.

 1) Паміж часткамі сказа прапушчана двукроп’е;

2) паміж часткамі сказа прапушчаны тры коскі;

3) паміж часткамі сказа прапушчаны працяжнік;

4) паміж часткамі сказа прапушчаны дзве коскі;

5) паміж часткамі сказа прапушчана толькі адна коска.

2. Адзначце схему, якая адпавядае прыведзенаму сказу (улічыце, што знакі прыпынку паміж часткамі сказа не пастаўлены):

Хутка, паверце, ад песні жаўруковай далі зазвіняць і салоўка вясёлы завядзе непаўторныя трэлі павінны ж птушачкі сваімі спевамі новы дзень прывітаць.

 1) [ ] , і [ ] — [ ].

2) [ ] — і [ ] : [ ].        

3) [ ] , і [ ] , [ ].

4) [ ] і [ ] : [ ].

5) [ ] , і [ ] : [ ].

3. Адзначце сцверджанні, якія адпавядаюць наступнаму сказу:

У час археалагічных раскопак, якія інтэнсіўна праводзяцца па ўсёй Беларусі надпісу, ранейшага за дзясятае          стагоддзе, не знойдзена і гэта зразумела — беспісьмовая традыцыя захавання культурных набыткаў існавала да таго часу, пакуль разам з хрысціянствам не прыйшла да нас кніга.

 1) Сказ з’яўляецца складаназалежным з некалькімі даданымі часткамі;

2) у сказе не хапае дзвюх косак;

3) у сказе не хапае толькі адной коскі;

4) у сказе замест працяжніка трэба паставіць двукроп’е;

5) у сказе пастаўлены ўсе неабходныя знакі прыпынку.

4. Адзначце варыянт адказу, дзе правільна ўказаны ўсе лічбы, на месцы якіх у сказе трэба паставіць коску.

Тата часта расказваў мне 1 што баяцца зуброў няма чаго 2 аднак трэба заўсёды захоўваць асцярожнасць і нават не спрабаваць раззлаваць каго з іх 3 раззлаваны зубр, які ад прыроды вельмі хуткі 4 і які ў гневе можа забыць пра сваю дабрадушнасць ды міралюбівасць 5 здольны накінуцца на чалавека.

 1) 1,2,5;

2) 2, 3, 4;

3) 3, 4, 5;

4) 1,4,5;

5) 1,2, 4, 5.

5. Адзначце нумар пропуску, на месцы якога трэба паставіць двукроп’е:

Кажуць 1 што ў нашых продкаў існавала такое павер’е 2 ў тым месцы, дзе вясёлка адным сваім краем уваходзіць у зямлю 3 можна адкапаць гладыш з золатам 4 а калі хочаш быць шчаслівым 5 дык трэба босым прайсці пад