Правапіс прыметнікаў

 

Прыметнікі з суфіксам -ск-, іх правапіс

Спішыце сказы. Замест назоўнікаў, што ў дужках, запішыце ўтвораныя ад іх з дапамогай суфікса – ск- прыметнікі.

1.   Хваліўся ўслон, што (пан) роду ён.

2.  У (беларус) вёсках з дзяцінства выхоўвалася пачуццё павагі, беражлівасці да хлеба.

3.   Адной з жамчужын (беларус) архітэктуры па праву лічаць (Нясвіж) замак, які цудоўна захаваўся і да нашага часу.

4.   Людзі прыкмячалі: калі ў першы (чэрвень) дзень лье дождж – увесь месяц будзе сухі.

Правапіс -н-, -нн- у прыметніках

Спішыце сказы, раскрываючы дужкі. Растлумачце выбар н ці нн.

1. Грымоты з маланкаю на Іллю тлумачылі тым, што гэта сам прарок у вогне(н,нн)ай калясніцы раз’язджае па небе.

2.   У некаторых хатах даўней мясцілася на покуці бажніца – драўля(н,нн)ая шафка або палічка.

3.   Вадзя(н,нн)ы млын будавалі на беразе ракі.

4.   Багач адзначаўся ў дні, якія стаяць блізка да асе(н,нн)яга раўнадзенства.

5.   Беларусы заўсёды былі гасці(н,нн)ымі людзьмі.

6. Збан – высокая гліня(н,нн)ая пасудзіна для малака, смятаны, маслёнкі, сыроваткі.

7.   Некалі амаль кожную хату аточвала прызба – земля(н,нн)ы насып.

8.   Песе(н,нн)ая спадчына беларусаў надзвычай багатая.

Правапіс не (ня) з прыметнікамі

Выпішыце нумары сказаў, у якіх не (ня) з прыметнікамі пішацца: а) разам № … ; 

б) асобна № …

1.  Вечна сонцу купацца ў лясных беларускіх крыніцах і (не, ня) ўрымслівай песні ў вечным паходзе звінець!

2. Шмат гора зведаў беларускі селянін на сваёй роднай (не, ня) ўрадлівай зямельцы, шчодра ўсеянай валунамі.

3.  Чужбіна (не,ня) родная матка: хлеба не дасць.

4. Чырвоны кут (покуць) выконваў у сялянскай хаце ролю (не, ня) вялiчкай, прыблiжанай да чалавека копii храма.

5. Гора таму чалавеку, які трапіць у Кадукава балота — пагібель (не, ня) пазбежная.

6.У асяроддзі беларусаў да нашых дзён захавалася (не, ня) пісанае правіла абавязкова закрываць нанач калодзежы і посуд з вадой.